Генералниот директор на LIQUI MOLY Ернст прост во врска со фактот дека по падот доаѓа искачување.
Драги новинари и уредници,
Ако сакате да се искачите од висока планина на повисока планина, прво треба да се симнете во долината. Короната е повеќе од долина. Таа е длабока дупка која го голта животот, здравјето, задоволството, но исто така уништува работни места и бизниси. Ја препознавме оваа опасност минатата година и почувствуваме што доаѓа.
Затоа отфрливме се што имавме – но навистина се – во оваа борба. Дадовме реклами на телевизија и радио и лансиравме кампањи во речиси сите магазини, журнали и весници. Немаше парализа предизвикана од шокот, туку духовно бунтување. Наместо да аплицираме за кратковремено работење, вработивме 100 луѓе. Со овој голем контигент на вработени, продажни и маркетинг активности, масивно се спротивставивме на се што сакаше да не фати за вратот во врска со корона вирусот.
Немаше исплашено плачење и жалење од типот ние знаеме се, туку силна работа и завршување на нештата! Не забавивме и не ја симнавме педалата за гас ниту еден ден. Да, во прилог на многу оптимизам, имаше и позитивна опсесија кон работата. Свесен сум дека повеќепати бев соочен со прашања, сомнежи и критицизам за нашата стратегија. требаше многу упорност за да опстанеме на нашиот пат. И денес, добивам внимателни и засегнати “експертски мислења” : “Па се прашувам, дали она што го правите навистина ќе даде резултати?”
Покрај едноставното чување на постоењето на нашите работни места и гарантирање на 100% испорака на производи за нашите клиенти, за мене беше и сеуште е многу важно да покажеме и докажеме ‘како спореден ефект’ што е можно ако луѓето се со добра желба, бркаат заедничка цел и работат вредно – работат навистина добро. Солидарноста, единственоста, здружените сили, грижата. Некому можеби изгледа непознато, но за мене тоа беше основа за успехот.
По порастот на продажбата во Март од 19%, поставивме сензационален рекорд со 60% раст во само еден месец, во Април. 60 милиони евра продажба. Вториот најдобар резултат во историјата на нашата компанија по 65 милиони евра продажба во Март… Сега нека каже некој дека перформансите, храброста и проценката не се исплатат.
Ако сакате да се искачите по угорнина и да поставите нови рекорди цело време, нема хокус покус или сок од магично гумено мече што ќе ви помогне. Во време на опасност и во кризи, само умна акција и тешка работа можат да ви помогнат. Само плукањето во дланките и силната работа може да ви помогнат. Секој во своите работни места, во добро координиран тим.
И што друго се случува? Недостаток на базичен лагер, материјали за пакување и прекуморски контејнери. И екстра количините на базична залиха која чини двојно од цената на чинење минатата година. Производството и испораката се екстремно бавни и тешки во моментов. Но и во ваква ситуација не се жалиме – произведуваме во три смени и во Сабота во една смена. Се давиме во порачки – но недостасуваат производите. Во изминатите 30 години имаше многу ситуации во кои владееше токму обратната ситуација. Но тоа е животот – Некогаш сте статуа, некогаш сте гулаб, како што вели поговорката.
И по сите проблеми доаѓа растот – ако сте направиле се како што треба. А ние секако го имаме направено тоа, бидејќи бројките во првата третина од годината покажуваат. Во првите четири месеци од 2019 година, т.е. пред коронавирусот, создадовме продажба од 162 милиони евра. Две години подоцна – и сеуште во кризата на коронавирусот – 228 милиони. Тоа е 66 милиони повеќе, или раст од 40%
Најтопли поздрави,
Ваш,
Ernst Prost
Managing Director