LIQUI MOLY се враќа во F1

Германскиот специјалист за моторни масла и адитиви LIQUI MOLY ја започна годината со сензација. Ќе инвестира милиони во Формула 1. 

Февруари 2019 – LIQUI MOLY се враќа на врелите стази на единаесет трки во Формула 1, спектаклот што го следат околу 1 милијарда гледачи на телевизија и фанови кои во живо ги следат спектакуларните трки.

Кампањата ќе ја чини фирмата неколку милиони, а таква инвестиција е нормална ако сакате да бидете прифатени како глобален бренд, објаснува директорот Ернст Прост.